საცხოვრებელი შენობების გამაგრება-რეაბილიტაცია გრძელდება
რუსთავში საცხოვრებელი შენობების გამაგრება-რეაბილიტაცია გრძელდება. სამუშაოები ქალაქის მასშტაბით რამდენიმე მისამართს მოიცავს. კორპუსის ავარიული ნაწილის დემონტაჟი უკვე განხორციელდა ლერმონტოვის ქუჩის N5-ში.
სამუშაოების მიმდინარეობას რუსთავის საკრებულოს თავმჯდომარე მამუკა რეხვიაშვილი და ქალაქის მერი ნინო ლაცაბიძე შესაბამისი სამსახურების წარმომადგენლებთან ერთად გაეცნენ.
პროექტის ფარგლებში ფასადის სრული განახლება, თბოიზოლაცია, ახალი სახურავისა და კარ-ფანჯრების მოწყობაა გათვალისწინებული.
სამუშაოები ცენტრალური ბიუჯეტის დაფინანსებით ხორციელდება.
